गरोदरपणातील समस्या आणि उपाय

202
views

गरोदरपणात अॅनेमिया (रक्त पांढरी) होणे :
रक्तातील लोह, हिमोग्लोबिनच्या कमतरतेमुळे असे घडते. गरोदर स्त्रियांमध्ये अॅनेमियाचे बरेच प्रमाण दिसून येते. म्हणूनच त्यासाठी लोहाच्या गोळ्या दिल्या जातात. प्रत्येक गरोदर स्त्रीने निदान 100 दिवस तरी लोहाच्या गोळ्या घ्यायला पाहिजेत म्हणजे अॅनेमियाचा धोका टाळता येतो.

बाळाच्या आरोग्यासाठी लागणारे लोह आईच्या रक्तातूनच मिळते. दोघांपुरते लोह आईला मिळाले नाही, तर तिचे रक्त फिक्के पडते. जीभ, नख, डोळे तपासल्यास ही रक्त पांढरी ओळखता येते. अॅनेमियामुळे खूप थकल्यासारखे वाटते, अशक्तपणा येतो, हात पाय दुखतात. यावर उपाय म्हणून लोहाच्या गोळ्या घेतल्या पाहिजेत. लोहाची गोळी घेतल्यास लोहाची कमतरता भरून निघून आई व बाळाला योग्य प्रमाणात लोह मिळेल. या लोहाच्या गोळ्या प्रत्येक आरोग्याच्या ठिकाणी आणि रुग्णालयात उपलब्ध असतात. बाळंतपणानंतरही 2-3 महिने या गोळ्या चालू ठेवाव्यात.

नाचणी, बाजरी, डाळी, मांस, गुळ व हिरव्या पालेभाज्या, फळे यात लोह असते त्यामुळे हे पदार्थ गरोदरपणात भरपूर खावेत. लोखंडी कढईचा दररोजचे जेवण बनविण्याकरीता वापर केला तर त्याद्वारेही जास्त प्रमाणात लोह मिळते. अशा प्रकारचे घरगुती उपाय देखील महत्त्वाचे ठरतात.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

 

गरोदरपणात पाय व कंबर दुखणे :
आईच्या जेवणात कॅल्शियमची कमतरता असल्यास गरोदरपणामध्ये कंबर व पाय दुखतात. दुध व दह्यात कॅल्शियम भरपूर प्रमाणात असते. यासाठी गरोदर स्त्रियांनी दुध, दुग्धजन्य पदार्थ, पालेभाज्या, कडधान्ये इत्यादी कॅल्शियमयुक्त आहार घेतला पाहिजे. डॉक्टरांनी दिलेल्या कॅल्शियमच्या गोळ्या नियमित खाव्यात. या गोळ्या बाळंतपणानंतरही 6 महिने चालू ठेवाव्यात. कंबरदुखी, पाय दुखीकडे बऱ्याचदा बायका दुर्लक्ष करतात. कामामुळे झाले असेल अशी समजूत करून घेतात. परंतु गरोदरपणात मात्र अशी चूक करू नये. कारण त्याचा परिणाम बाळावर होत असतो.

 

पायावर सूज येणे :
गरोदरपणात रक्तदाब वाढल्यामुळे अशी सूज येऊ शकते. त्यावर उपचार न केल्यास बाळ व आईच्या जीवाला धोका पोहचू शकतो. म्हणून शेवटच्या 4 महिन्यात रुग्णालयात जाऊन नियमित तपासणी करणे आवश्यक आहे. पायावर सूज येत असेल तर मीठ कमी खावे.

Common pregnancy problems and solutions in Marathi. common pregnancy health problems, including constipation, sickness, headaches, cramp, pelvic pain, and vaginal discharge and bleeding, Anemia in pregnancy,



प्रतिक्रिया द्या :