चिकुनगुन्‍या (Chikungunya)

274
views

चिकुनगुन्‍या
रोगाचा प्रकार : विषाणूजन्य आजार
जबाबदार घटक : डास व चिकुनगुन्‍या विषाणू

चिकुनगुन्‍या हा अरबो व्‍हायरस या विषाणूमुळे होणारा व एडिस इजिप्‍टी या डासामुळे पसरणारा आजार आहे.साहिली भाषेतील एका शब्दापासून या आजाराच्या नावाची उत्पत्ती झाली आहे.

प्रसाराचे माध्‍यम :
चिकुनगुन्‍या आजार हा दुषित एडीस इजिप्‍टी डासाची मादी चावल्‍यामुळे होतो. ही डासाची मादी चिकुनगुन्‍या आजारी रुग्‍णाचे रक्‍त शोषून बाधित होत असते.
लक्षणे चिन्हे :
चिकुनगुन्‍या आजाराची सुरुवात अचानक खालील लक्षणांसह होते.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

  • ताप
  • हुडहुडी भरणे
  • डोके दुखणे
  • मळमळ होणे
  • ओकारी होणे
  • तीव्र सांधेदुखी
  • अंगावरील पुरळ

या आजारात बाक येणे किंवा कमरेतून वाकलेला रुग्‍ण हे अतिशय नेहमी आढळणारे लक्षणे आहे. चिकुनगुन्‍या आजारातून बरे होताना पुष्‍कळदा नेहमी व सतत राहणारी सांधेदुखी आढळून येते. त्‍याकरीता दिर्घकाळ वेदनाशामक उपचारांची गरज भासू शकते.

अधिशयन काळ :
आजाराची लक्षणे साधारणतः दूषित डास चावल्‍यावर ३ ते ७ दिवसारनंतर दिसून येतात. या आजाराचा अधिशयन काळ ४ –७ दिवस आहे.

रोगाचे निदान :
चिकुनगुन्‍या आजाराचे निदान एलायझा या रक्‍त तपासणी (ELISA TEST ) व्‍दारे करण्‍यात येते.

औषधोपचार :
चिकुनगुन्‍या आजाराकरीता विशिष्‍ट असा औषधोपचार उपलब्‍ध नाही. या आजारात लक्षणांनुसार उपचार केल्‍यास व वेदनाशामक औषध घेतल्‍यास तसेच भरपूर आराम केल्‍यास रुग्‍णाला फायदयाचे ठरते. आजारी व्‍यक्तिला डास चावू नये, याकरीता काळजी घ्‍यावी. जेणेकरुन इतर व्‍यक्तिमध्‍ये आजाराचा प्रसार होणार नाही.

आरोग्‍यशिक्षण :
जनतेला खालील बाबीकरीता आरोग्‍य शिक्षण देण्‍यात यावे.

  • घरातील पाणी साठविण्‍याची सर्व भांडी आठवडयातून रिकामी करा.
  • पाणी साठविण्‍याची सर्व भांडी योग्‍य पध्‍दतीने झाकून ठेवा.
  • घराच्‍या भोवतालचा परिसर स्‍वच्‍छ व कोरडा ठेवावा.
  • निरुपयोगी व टाकाऊ वस्‍तू घराच्‍या छतावर आणि परिसरात ठेवू नका.
  • शक्‍यतो पूर्ण अंग झाकेल असे कपडे वापरावेत


प्रतिक्रिया द्या :