दमा, अस्थमाविषयी जाणून घ्या

231
views

दमा, अस्थमाविषयी जाणून घ्या :
अस्थमा हा श्वसन संस्थेचा एक गंभीर असा विकार असून या मध्ये रुग्णास दम्याचे वेग येत असतात.
यामध्ये वायुमार्ग हे संकिर्ण आणि सुजयुक्त बनतात. त्यातून अधिक प्रमाणात कफाची (Mucus) निर्मिती होते. त्यामुळे श्वासोच्छश्वास क्रियेस अडथळा निर्माण होतो. घशात कफ साठल्याने श्वासोच्छश्वासाच्या वेळी घुरघुर किंवा साँयसाँय (Wheezing sound) असा आवाज योतो. वायुमार्ग सुजयुक्त आणि संकुचित होतो. त्यांमुळे श्वास घेण्यास कठिनता निर्माण होते. खोकला येतो, खोकल्याची उबळ अधिकतेने येत असते मात्र छातीत कफ इतका चिकटलेला असतो की खोकून-खोकून व्यक्ती बेजार होते पण कफ सुटत नाही.
श्वास घुटमळल्यासारखे होते, बराच वेळ खोकल्यावर थोडा जरी कफ पडला तरी काही काळापुरते बरे वाटते. पण पुन्हा खोकला येतोच, दम लागतो, बैचेनी होते, बोलण्यास त्रास होतो ही लक्षणे अस्थमामध्ये होतात.

दमा रोग उपचारांद्वारे पूर्णपणे बरा होत नाही मात्र दम्याची लक्षणे उद्भवू नयेत म्हणून प्रतिबंधात्मक उपाययोजना करता येणे शक्य आहे. त्यामुळे दमा रुग्णांना वरचेवर येणारे वेग काही अंशी थांबवता येथील.

दम्याचे वेग येणे (Asthma attack) म्हणजे काय ?
दम्याच्या रुग्णांना वरचेवर दम्याचे वेग येत असतात त्याला अस्थमा अटॅक असेही म्हणतात.
बहुतांश वेळा रात्रीच्या वेळी किंवा सुर्योदयापुर्वी दम्याचे वेग येण्याचे प्रमाण अधिक आहे. याशिवाय ढगाळ वातावरण, आद्र हवामान, हिवाळा, पावसळ्याच्या दिवसामध्ये दमा वेग येत असतात.
तसेच दमा रुग्ण धुळ, धुर, प्रखर सुर्यकिरण, वारा, कचरा, वायु प्रदुषणाच्या संपर्कात आल्यास दमा वेग उद्भवतो. दम्याचा वेग किंवा दौरा काही मिनिटांपासून ते काही तासापर्यंत राहू शकतो.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.



प्रतिक्रिया द्या :